I riu Jani Rustemi humbi jetën disa ditë më parë teksa ishte arrestuar për veprën e vjedhjes. Ka dyshime të forta se Rustami mund të jetë dhunuar barbarisht nga efektivët e policisë pas arrestimit të tij. Lidhur me këtë rast ku shënjestrohet drejtpërdrejt policia, është pyetur ministri i Drejtësisë Ulsi Manja. Ai ka refuzuar të flas në lidhje me këtë çështje duke shtuar se tashmë është një kakofoni zërash. Manja shrehu ngushëllimet ndërsa tha se si në jetën e përditshme edhe në burg ndodhin aksidente.
“Lidhur me rastin konkret që sapo përmendët sa kohë që është një çështje që po hetohet refuzoj të flas. Ka një kakofoni zërash për këtë rast. Janë raste që janë audituar nga ana jonë. Shpreh ngushëllimt për këta persona. Si në jetën në përditshme dhe atje ndodhin aksidente. Në përfundim të hetimit të merren materialet e mjekësisë ligjore”, tha Manja.
Kujtojmë që Jani Rustemi, i cili përfundoi në koma pas arrestimit nga policia për vjedhje muajin e kaluar, ka humbur jetën në QSUT. I riu 26 vjeç ishte transportuar në spital pas përkeqësimit të gjendjes shëndetësore në ambientet e policisë, ku mbahej për vjedhjen e një tapeti dhe një palë atlete. Pas disa javëve në koma, ka humbur jetën këtë pasdite.
