Dy ditë më parë një krim tronditës ndodhi në Elbasan, ku një 58-vjeçar ekzekutoi me sëpatë kunatën e tij, Alma Qevani.
Teksa ende po hetohet mbi motivet e vërteta që shtunë Tefik Tashin të ndërmerrte këtë akt makabër, duket se e gjithë historia e personave të përfshirë në ngjarje i ngjan një drame. Eva siç i thërrasin familjarët i dha bashkëshortit çdo gjë shtëpinë, pronën dhe jetën e saj ndërsa ai në këmbim i mori jetën e së motrës përpara syve të saj. Por zanafilla e dramave të Evës nuk nis këtu, ajo vjen nga një martesë tjetër e dështuar. Burri i saj i parë kishte 3 fëmijë me gruan e vëllait të tij, për këtë arsye martesa e tij zgjati vetëm 3 ditë. Gjithashtu edhe autori i krimit Tefiku Tashi vinte nga një martesë tjetër. Gjithashtu edhe e ndjera Alma kishte pasur një fejesë 4-vjeçare nga e cila e shkëputën familjarët. Bashkëshortja e autorit të krimit dhe babai saj, kanë dhënë një intervistë për emisionin “Me zemër të hapur” në “Neës 24” lidhur me ngjarjen e rëndë. Babai i viktimës, Fatmiri ka treguar se disa ditë para ngjarjes së rëndë, kanë pasur debate të forta mes tyre.
“Vetëm dy ditë më parë para se të ndodhte ngjarja ka pasur një debat të fortë, mes Tefik Tashit dhe kunatës së tij”, u shpreh ai para policëve.
