Biznesi i drogës padyshim është kthyer padyshim në një nga më të lakuarit dhe ditën e sotme Policia e Korçës ka hedhur hapin e radhës.
Pas disa kohësh nisje të operacionit të koduar “Ndjekja”, është bërë e mundur që paraditen e sotme, të sekuestrohen 46 kg lëndë e dyshuar narkotike Cannabis Sativa dhe 20 000 Euro.
Lënda narkotike ka qenë duke u transportuar në një makinë e cila drejtohej nga Th. Dh., 34-vjeç, i cili fillimisht ka tentuar të arratiset, por pa sukses, pasi ka rënë në prangat e policisë.
Pas kontrolleve që i janë bërë në shtëpi, efektivët blu kanë arritur që të gjejnë dhe të sekuestrojnë 20 000 eurot dhe njëkohësisht edhe 10 aparatet celulare që ishin në përdorim të tij.
Tashmë materialet i kanë kaluar Prokurorisë dhe Gjykatës së Shkallës së Parë Korçë për të realizuar gjithë verifikimet e duhura dhe për të marrë një vendim përfundimtar.
