Një ditë më parë, një ngjarje e rëndë ndodhi në Itali ku 45-vjeçari shqiptar Taulant Malaj, qëlloi për vdekje vajzën e tij 16-vjeçare dhe një 51-vjeçar italian.
Ndërkohë që detaje tronditëse kanë dalë në dritë nga tragjedia e ndodhur në familjen shqiptare në Itali. Në një intervistë për emisionin ‘Me zemër të hapur’ në News24, Tefta Malaj, tha se burri i saj e kishte ngacmuar seksualisht vajzën.
Nga ana tjetër, vëllai i Tefta Malaj u shpreh se nuk ishin në dijeni për këto detaje. Ai tregoi se rreth një javë para ngjarjes, kanë pasur një debat të fortë në familje, motra e tij Tefta me bashkëshortin Taulantin, për 16 vjeçaren pasi kishte dalë me shoqet.
Pyetje: Kur e keni takuar për herë të fundit fizikisht Xhesikën?
Vëllai i Tefta Malaj: Kam gati tre apo pesë vite pa e takuar. Qëlloi se ishte pandemia. Me mbesën kam folur shpesh herë , nuk kisha vënë re diçka. Ishte edhe tip i mbyllur shumë. Me Taulantin kam folur, mund të kishim gati 1 muaj pa folur. Na thoshte bëhet xheloze për çupën, përse doli vonë, zihej me Teftën. Por ne nuk e kuptonim sepse nuk dinim gjë. Tefta thonte se bëhej xheloz për vajzën, zihej me Teftën, do ta ther thoshte, këtë javë e ka bërë i ka thënë do ta ther se ka dalë vonë. I ishte shprehur Teftës, na e tha këtë gati një javë përpara ngjarjes. Njëherë i ka thënë e zura në dhomë me italianin, ata kanë qenë në gjumë dhe kamerat e vërtetojnë. Nuk di çfarë të them.
