Ministri në detyre, Gent Cakaj i ftuar mbrëmjen e sotme në “top channel” komentoi Samitin e Berlinit si positive dhe të dobishme pasi ktheu vëmendjen ndaj Ballkanit.
Menjëherë sapo ka nisur emisioni, Cakaj është përplasur me gazetarin, Robert Rakipllari, i cili e akuzoi për kontradiktë për deklaratat në lidhje me kancelaren Angela Merkel.
Ministri i Jashtëm në detyrë, Cakaj i tha Rakipllarit se takimi me Merkel ishte krejt i ndryshëm nga samiti i Berlinit dhe se Berlini zyrtar është pro hapjes së negociatave me Shqipërinë.
“Nuk kam thënë që ka hapje absolute të negociatave. Në takimin me kancelaren është diskutuar edhe çështja e negociatave,”- tha Cakaj.
Më tej debati ka vijuar në lidhje me faktin se ai është dekoruar nga Rama për negociatat.
Rakipllari ka deklaruar se Genc Cakaj është dekoruar nga Rama për negociatat që ka zhvilluar vitin e kaluar me Brukselin për arritjet e rekomandimit pozitiv vitin e kaluar.
Por Cakaj i është përgjigjur menjëherë dhe i ka thënë se nuk është i saktë në asnjërin nga konstatimet, pasi nuk është e vërtetë që ai ka marrë dekoratë apo medalje.
Rakipllari ka insistuar se ka edhe foto për këtë çështje, ndërsa Cakaj ja ktheu: “Nëse kam marrë dekoratë apo medalje jam gati të jap dorëheqjen”.
