Teksa Partia Socialiste më në krye Edi Ramën po bën 10 vite në pushtet, sërish ka një krahasim të vazhdueshëm me qeverisjen e 10 viteve më parë nga PD.
Rama bën gjatë gjithë kohës diferencën, duke evidentuar punët që Partia Socialiste ka bërë më mirë, teksa në fakt vazhdon që përfaqësuesit aktual të opzitës t’i quajë ‘non grata’ dhe zorrë qorre. Ndërkohë që ditën e sotme kryeministri Edi Rama është pyetur nga gazetarja e “Fax News” nëse është e drejtë kjo për shqiptarët, Rama tha se krahasimi bëhet me persona që sot do të duhet të ishin përpara drejtësisë.
Ju thoni që nuk konsideroni Berishën si kundërshtar, dhe e krahasoni veten me Berishën e 10 viteve më para. A ju duket e drejtë që ju premtoni shqiptarëve gjëra të 10 viteve më parë?
Rama: Jo zonjë, jo zonjë,jeni gabim shumë, ne nuk bëjmë asnjë krahasim, se është ofendim për mua dhe për socialistët që të bëjmë krahasim mes meje dhe nongratave, apo një zorre qorre. Nuk bëjmë asnjë krahasim, unë flas për sot, rrogat po rriten sot, dhe po rriten siç nuk janë rritur kurrë.
Ne nuk e zgjedhim se kush janë kundërshtarët tanë, ato i zgjedh vota, fatkeqësisht ka një pjesë të vogël të shqiptarëve që i votojnë ata, edhe pse duhet të ishin përpara drejtësisë. Do të shikoni që drejtësia do të veprojë patjetër më herët sesa vonë.
