Teksa ndodhemi rreth një muaj para zgjedhjeve lokale, kreu i Partisë së Lirisë ka zhvilluar një bashkëbisedim me qytetarët në “Facebook”, ku edhe shpalosi disa pika të programit të tij. Nder të tjera ai tha se do të ketë edhe kredi deri në 20 mijë euro për çiftet e reja, ku interesat do i paguajë shteti. Ilir Meta, është shprehur se një kilometër rrugë në Shqipëri kushton 5-6 herë më shumë se në Serbi, Mal të Zi, Greqi, apo vende të tjera të rajonit.
‘Ka një program të qartë që për të mbështetur çiftet e reja, me kredi deri në 20 mijë euro, që interesat do i paguajë shteti. Njëkohësisht 20 mijë euro grant për çdo të ri që nis një biznes social apo startup. Një pikë tjetër pikë e programit tonë për të ndaluar rënien e popullsisë është 3 fishimi i bonusit të bebes. Gjithashtu sigurimi i detyrueshëm i jetës në kopshte, çerdhe dhe kudo të fëmijëve. Një tjetër problem është problemi i pagave. Pedagogët bëjnë grevë dhe kërkojnë rritjen e pagave sa kolegët e tyre në Kosovë. Kjo është e papranueshme, sepse ne e kemi buxhetin 2 herë më të madh. Sipas statistikave të BE një mësues shqiptar në Konispol apo Vermosh, merr 4200 euro në vit. Po pse ndodh kjo? Sepse taksat tuaja shkojnë te inceneratori që nuk ekziston në Tiranë, apo në Elbasan dhe Fier. Dhe jo vetëm kaq, por këtu një kilometër rrugë e re kushton 5-6 herë më shtrenjtë se në Greqi, Mal të Zi dhe Serbi e në shumë vende të tjera. Kjo gjë nuk ka për të ndodhur kurrë më, por përkundrazi’, u shpreh Meta.
