Kreu i “Bindja Demokratike”, Astrit Patozi në një komunikatë për mediat deklaroi sot se partia që drejton do të jetë në betejë frontale në zgjedhjet vendore përballë kandidatëve të “Rilindjes”, në çdo bashki të vendit, por jo në ato bashki ku e djathta ka kandidate të pavarur.
Patozi theksoi se “Bindja Demokratike” ka objektivin e vet kryesor që në në këto zgjedhje të përfaqësohet nga kandidatët e saj në çdo bashki të Shqipërisë. Nga ky rregull i përgjithshëm do të përjashtohen vetëm këto dy raste: kadidatët e pavarur dhe ish-kryetarët e bashkive të djathta”.
Bindja Demokratike është e vendosur që në zgjedhjet e 30 Qershorit të bëjë betejën e saj frontale në të gjithë territorin e vendit ndaj duke u përballur me të gjithë kandidatët e Partisë Socialiste pa asnjë dallim. Në këtë sfidë do kërkojmë mbështetjen e çdo qytetari që refuzon këtë mazhorancë dhe mendon se Shqipëria po qeveriset keq e më keq. Bindja Demokratike ka objektivin e vet kryesor që në këto zgjedhje të përfaqësohet nga kandidatët e saj në çdo bashki të Shqipërisë. Nga ky rregull i përgjithshëm do të përjashtohen vetëm këto dy raste. Kandidatët e pavarur dhe ish kryetarët e bashkive të djathta”.
Në ato bashki ku do të dalin kandidatë të pavarur, qofshin këta edhe të djathtë, Bindja Demokratike do t’i mbështesë duke mos i rivalizuar me përfaqësues të saj në zgjedhjet lokale.
“Ne zotohemi se nuk do nxjerrim kandidatë për kryetar në Bashkitë ku ata janë regjistruar, por do i mbështesim ata. Arsyeja është një dhe e vetme që votat e kundërshtare të qeverisë të mos çahen dhe që të arrijmë qëllimin tonë, fitoren nga çdo kandidat i PS-së. Angazhohemi se do mbështesim dhe nuk rivalizojmë edhe kandidatë të mundshëm nga radhët e kryetarëve të bashkive të djathta që mund të vendosin të përballen me përfaqësuesit e qeverisë do i konsiderojmë si përfaqësuesit tanë sepse mendojmë që vetëm bashkimi i çdo force mund të sjellë rezultat fitues përballë kandidatëve të PS-së.”
Sipas Patozit, Bindja Demokratike do të bëjë betejë frontale duke u përballur me të gjithë kandidatët e mazhorancës pasi sipas tij rilindja dhe qeveria e drejtuar nga Edi Rama janë e keqja e vendit.
