Pasditen e sotme një aksident i rëndë ka ndodhur në aksin rrugor Bilisht-Kapshticë.
Bëhet me dije se dy mjete tip “Ford” me drejtues shtetasin R. L me mjetin tip “Toyota”, me drejtues shtetasin L. B 60 vjeçe janë përplasur me njëri-tjetrin. Të lënduar kanë mbetur dy persona L. B dhe B. Xh 27 vjeç, të cilët po transportohen drejt spitalit të Bilishtit për ndihmë mjekësore. Dyshohet se kanë marrë dëmtime por janë jashtë rrezikut për jetën. Shkak dyshohet lagështia në rrugë për shkak të rreshjeve të shiut dhe humbja e kontrollit të njërit prej mjeteve. Aksidenti i dytë ky në juglindje, me të dëmtuar, për shkak të rreshjeve.
Policia në vendin e ngjarjes për zbardhjen e rrethanave të plota të aksidentit.
Ndërkohë që priten informacione të mëtejshme.
Njoftimi i Policisë:
Devoll/Informacion paraprak
Më datë 03.04.2023, rreth orës 16:50, në aksin rrugor Bilisht-Kapshticë, automjeti tip “Ford” me drejtues shtetasin R. L., është përplasur me automjetin tip “Toyota”, me drejtues shtetasin L. B.
Për pasojë janë dëmtuar shtetaset L. B., rreth 60 vjeçe dhe B. Xh., 27 vjeç, banuese në Tiranë, pasagjere në automjetin tip “Toyota”, të cilat u dërguan në spital ku ndodhen jashtë rrezikut për jetën.
Me drejtuesit e mjeteve po kryhen veprimet e mëtejshme procedurale.
Grupi hetimor po punon për përcaktimin e shkaqeve të aksidentit.
