Pasi dhuroi gjak dheiu bëri thirrje të gjithëve të dhurojnë kreu i PL Ilir Meta është ndalur edhe te situata politike në vend. Ai deklaroi se programi i Belind Këlliçit në Tiranë do të sjellë shumë të mira për qytetin. Ndërkohë i pyetur për kandidaturën e Roland Bejkos nën siglën e PD-së për Tiranën, Meta tha se “Kandidatura e Belos për Tiranën, se kështu i thërrasim ne, është fantastike”.
“Mendoj se është detyrë e të gjithëve ne që plotësojmë kriteret për të dhuruar gjak. Qindra mijëra bashkëqytetarë të tanët që vuajnë nga talasemia kanë nevojë për gjak. Ju ftoj të gjithë të rinjtë e Shqipërisë të dhurojnë gjak dhe të bëhen vullnetarë në mënyrë të përhershme, përpos se është akt human dhe fisnik është dhe i shëndetshëm.
Koalicioni Bashkë Fitojmë është një ortek i pandalshëm. Është realizuar në një plan fantastik me kandidatët tanë. Kemi Belind Këlliçin që ka plan për uljen taksave që do të përfitojë bizneset dhe sipërmarrësit. Përfitojnë vetëm qytetarët, të vetmit që s’janë të kënaqur, janë oligarkët. Ne kemi qëllim të fitojmë qytetarët shqiptarë në mënyrë që të mos na largohen nga vendi.
Dje dhe sot në Laprakë ka një entuziazëm të paparë për planin e Këlliçit, për transport falas dhe uljen e taksave. Janë plane jo vetëm realistë por edhe shpresëdhënëse.”, tha Meta.
