Krimi po përparon në vendin tonë, teksa eksperti i kriminalistikës, Ervin Karamuço shprehet se kjo vjen si pasojë e një teknike që po aplikohet në vendin tonë. Karamuço ka zbuluar formulën e re që përdorin trafikantët e lëndëve narkotike për të shmangur kontrollet nga policia. I ftuar në “ABC News”, Karamuço shprehet se metoda që përdoret më tepër dhe ka hyrë tashmë në treg nga trafikantët është metoda meksikane.
“Ka ndryshuar struktura dhe është përshtatur një strukturë për vijimin e kultivimit të lëndës narkotike. Përveç se kemi pasur vëzhgim ajror nga Guarda Di Financa, ne kemi edhe dy satelitë që monitorojnë territorin. Kërkon edhe një sjellje të re policore. Tani shikohet uji dhe energjia. Janë sjellë llampa të reja që nuk harxhojnë energji elektrike. Kishim problemin e importit të kokainës dhe eksportit që kemi të lëndës tonë të kanabis. Përpara këtyre ka disa pengesa si skenari dhe qeni që bën nuhatjen.
Kanë marrë metodën meksikane. Pasi bëhet presimi i lëndës, plastifikohet, lyhet me graso dhe vendosen letra karboni dhe përtej kësaj bëhet me një spraj që vjen nga disa salca pikante meksikane, të përziera me alkool ose ujë që qeni sapo fillon për të nuhatur i krijohet një shqetësim dhe largohet. Deri këtu kanë arritur. Këta janë formulat e reja sepse është forcuar shteti””, deklaroi eksperti Karamuço.
