Mbrëmjen e djeshme një shtetas spanjoll që jetonte dhe punonte në Divjakë ka ndërruar jetë. Dyshimet kryesore janë se 47-vjeçari Franciso Cervilla ka tentuar të vrasë veten me thikë, teksa ishte në një gjendje të rënduar emocionale.
Ndërkohë që bazuar në dëshminë e shokut të tij me të cilin ndante dhomën, 47-vjeçari ka dëmtuar veten gjatë kohës që bënte dush. I alarmuar 41- vjeçari ka njoftuar njerëzit e tjerë të godinës ku ishin akomoduar. Në vendngjarje ka mberritur menjëherë policia dhe ambulanca e cila e ka transportuar drejt Tiranës pa shenja jete. Shoku i tij i dhomës , 41- vjecari Oskar Velasko në dëshminë e tij në polici ka deklaruar se së fundi 47- vjeçari kishte shfaqur shenja depresioni dhe nervozizmi për shkak të mosmarreveshjeve me bashkëshorten e cila ndodhet në Spanjë,por që kurrsesi nuk e mendonte se do te arrinte në këtë akt ekstrem
Ngjarja ka ndodhur në hotelin në fshatin Karavasta ku ata po qëndronin, pasi prej një muaji punonin në një firme ku montohen pajisje me sera..Gjithashtu ka reaguar edhe kryeplaku i fshatit Karavasta, Aristir Prifti ,i cili është i shokuar nga ngjarja e vetëvrasjes së 47- vjeçarit spanjoll, Francesko Servia , ku tregoi se ai ishte i punësuar me kontratë të rregullt nga një firmë spanjolle e cila ka marrë me qera një siperfaqe prej 40 ha në zonën e Karavastasë, ku po ndertohen sera moderne. Prifti u shpreh se atyre i janë ngitur sera modern për prodhoimin e luleshtydheve, specave, domateve nga një firmë spanjolle ku i kishte sjell edh ata si specialist pune.
Njoftimi i Policisë së Shtetit:
Në fshatin Karavasta, Divjakë, në një hotel, shtetasi spanjoll F. C., 47 vjeç, dyshohet se ka dëmtuar veten me mjet prerës (thikë) dhe për pasojë ka humbur jetën.
Sipas deklarimeve të para të shokut të tij të dhomës, shtetasit spanjoll O. V., 41 vjeç, rezulton se 47-vjeçari është dëmtuar me mjet prerës gjatë kohës që ka qenë duke bërë dush.
Nga ana e grupit hetimor, nën drejtimin e Prokurorisë, po kryhen veprime të thelluara hetimore për sqarimin e rrethanave të ngjarjes, për të përcaktuar shkakun e kryerjes së vetëvrasjes.
Ndërkohë, është shoqëruar në ambientet e Policisë, shoku i dhomës, shtetasi O. V., për sqarimin e të gjitha rrethanave dhe mekanizmit të ngjarjes.
Në përfundim të veprimeve të para hetimore në vendngjarje do ketë njoftim të detajuar për këtë rast.
