Mediat helene raportojnë se një shqiptar, që punonte si shofer autobusi u arrestua nga autoritetet greke, pasi u kap me 98 kilogramë hashash.
Bëhet fjalë për një 34-vjeçar me origjinë nga Shqipëria, të cilit përveç drogës iu konfiskuan edhe 955 euro. Shoferi punonte për autobusët e një linje brenda Athinës. Lënda narkotike ishte vendosur nëpër çanta. Droga ishte ndarë në 16 tufa, ndërsa kur u peshua, rezultoi se peshonte 97 kilogram e 750 gram.
Autoritetet greke e ndaluan autobusin në autostradën Kakavijë-Janinë në afersi të Kalpaqit dhe gjatë kontrollit në bagazh u gjet droga e paketuar në 16 qese, në dy çanta udhëtimi. Dosja e 34-vjeçarit është dërguar për shqyrtim në Prokurorinë e Shkallës së Parë të Janinës.
