Një aksident i rëndë ka ndodhur mëngjesin e ditës së në autostradën Fushë Krujë-Milot. Bëhet e ditur se një automjet është përplasur me mbrojtëset metalike të rrugës. Si rrjedhojë ka humbur jetën 50-vjeçari, Luan Lukaj i cili ka qenë pasagjer në automjet. Dyshohet se shkak i aksidenti ka qenë shpejtësia përtej normave të lejuara. Ndërkohë që grupi hetimor ka shkuar në vendin e ngjarje dhe po punon për zbardhjen e rrethanave të aksidentit.
“Krujë/Informacion paraprak
Në orët e para të mëngjesit, në autostradën Fushë Krujë-Thumanë, një automjet me drejtues shtetasin J. K., 34 vjeç, ka humbur kontrollin mbi drejtimin e automjetit dhe për pasojë automjeti është përplasur me trafikndarësen. Nga përplasja e automjetit me trafikndarësen ka humbur jetën pasagjeri, shtetasi L. D, rreth 50 vjeç. Grupi hetimor vijon punën për sqarimin e rrethanave të aksidentit”, thuhet në njoftimin e Policisë së Shtetit.
Vlen të theksojmë se aksidentet rrugore, vijojnë të përgjakin rrugët e vendit. Në raportin më të fundit të publikuar nga INSTAT, gjatë muajit shkurt, krahasuar me të njëjtin muaj të një viti më parë, numri i aksidenteve është rritur me 14,3 %. 88 të tilla kanë ndodhur muajin që lam pas. Shkak i aksidenteve janë bërë sjelljet e pa përgjegjshme të drejtuesve të automjeteve, ku numrin më të madh të ngjarjeve e kanë shkaktuar moshat 35 deri në 44 vjeç, të cilët në raport me një vit më parë kanë rritje me 11.1 për qind si shkaktarë të aksidenteve nga sjellja në timon.
