Lajmi se më në fund do të kishim një kompani shqiptare fluturimi e cila do garantonte çmime më të lira duket se nuk ka qenë plotësisht siç është menduar.
Ditën e sotme Revista Monitor ka publikuar një vëzhgim të detajuar të çmimeve që Air Albania funksionin krahasuar me kompanitë e tjera. Nga ajo që është vënë re, së pari në dispozicion për udhëtarët që kërkojnë “Low Cost” janë vetëm 5-7 bileta, ndërsa të tjerat kalojnë me kosto 2-fish më të lartë.
Nga vëzhgimi është vënë re se Turkish Airlines dhe Air Albania nuk kanë pothuajse asnjë ndryshim.
Lexoni të detajuar vëzhgimin
Nga Tirana në Stamboll, kishte fluturime direkte nga Turkish Airlines dy herë në ditë, në mëngjes në orën 9.20 dhe në mbrëmje nëorën 20.55. Me fillimin e funksionimit të Air Albania, mbeten të njëjtat plane fluturimesh me ndryshimin e vetëm që disa fluturime kryhen në logon e kësaj të fundit. Konkretisht, Air Albania fluturon tre herë në javë në mengjes, të martën, të enjte, të shtunë.
Të dyja shkojnë në Istambul Airport (IST).
Por, nga një krahasim i thjeshtë në faqet përkatëse të Air Albania dhe Turkish Airlines, çmimet janë të njëjta për të dy operatorët, ku vajtja në mëngjes luhatet në 190-220 euro, ndërsa në mbrëmje është rreth 25% më lirë (145.5 euro).
Nëse do të shkosh në Stamboll me Air Albania të shtunën në datën 9 maj, dhe kërkon të prenotosh përmes faqes së saj, https://www.airalbania.com.al, çmimi vetëm vajtje në kategorinë ekonomi është 148.5 euro, por ndryshe nga operatorët e tjerë Air Albania i paraqet çmimet pa përfshirë taksat. Në momentin që vazhdon prenotimet, kësaj tarife i shtohen dhe taksat duke arritur në 191.5 euro në një drejtim. Janë vetëm 5 vende më këtë çmim dhe më pas bileta shkon në 443 euro një drejtim (përfshirë taksat).
Të shtunën, në 11 maj, bileta vetëm në një drejtim është 224.5 euro, ku thotë se ka vetëm 7 vende tëmbetura në kategorinë ekonomike, dhe nëse mbarohen, bileta shkon në 440 euro një drejtim!
Për të njëjtat data mund të presësh bileta edhe me Turkish Airlines. Nëse prenoton për datën 9 maj nëmëngjes, bileta është po 191.5 euro, por është e specifikuar që fluturimi realizohet përmes Air Albania.
Nëse do të udhëtosh në mbrëmje, fluturimi kryhet përmes Turkish Airlines dhe bileta kushton rreth 25% më lirë, konkretisht 145.5 euro dhe nuk paraqiten kufizime për numrin e vendeve të mbetura.
Në datën tjetër 11 maj, përmes Turkish mund të prenotosh biletë për udhëtimin e mëngjesit, por qërealizohet përmes Air Albania, me çmim të njëjtë nëse do e blesh në faqen e internetit të Air Albania, prej 224.5 euro. Ndërsa me Turkish, në orarin e mbrëmjes, bileta kushton 165.5 euro, ose 26% më lirë.
Në krahasim me vendet e tjera të rajonit, Air Albania ka çmimet më të larta të biletave drejt Stambollit.
Nëse doni të prisni një biletë nga Shkupi drejt Stambollit, me Turkish Airlines, po në datën 11 maj për nisje në orën 9.20 të mengjesit, bileta kushton 117 euro, ose 40% më lirë se nga Shqipëria në orarin e mëngjesit.
Nga Podgorica, në të njëjtën datë (11 maj), bileta është 143 euro në një drejtim drejt Stambollit, si paradite(09.45) ashtu dhe në mbrëmje (20.35), ose rreth 36% më lirë se nga Shqipëria.
Për momentin, me Air Albania mund të prenotosh vetëm përgjatë majit, ndërsa më pas rezervimet janë tëdisponueshme me Turkish Airlines. Në 6 qershor, vajtja në Stamboll në mëngjes kushton 150.5 euro dhe nëmbrëmje 145.5 euro. Edhe në korrik, çmimet janë të ngjashme, gjithnjë nëse prenotoni tani.
Air Albania thotë në faqen e vet se së shpejti pritet të fillojë fluturimet në Milano, Bolonjë, Romë dhe Londër.
