Ditën e sotme, shefi i politikës së Jashtme të BE–së Josep Borrell ka mbajtur një konferencë të përbashkët me Oliver Varhelyi dhe kryeministrin Edi Rama Ndër të tjera, Borell u pyet edhe për ish-kryeministrin Sali Berisha.
Borrell u pyet se cili është qëndrimi i BE-së për liderin e PD-së Sali Berisha i cili është shpallur non grata nga Britania e Madhe dhe SHBA.
“Nga pikëpamja jonë e vetmja gjë që mund të themi ne i marrim vendimet për sanksionet e Këshillit. Me sa di unë nuk ka asnjë propozim për sanksione për qytetarë shqiptarë”, tha Borrell. Gjatë konferencës për shtyp të zëvendëspresidentit të Komisionit Europian, Jospeh Borrell, kryeministrit Edi Rama dhe komisionerit europian Oliver Varhelyi, gazetarët shtruan pyetjen nëse BE-ja është e shqetësuar se dy muaj para zgjedhjeve PD-ja nuk është regjistruar ende. Borrell u shpreh se nuk ishte vendi që të komentonte çështjet që i përkasin vendit dhe shtetit shqiptar, ndërsa nuk mungoi as ndërhyrja me ironi e kryeministri Edi Rama.
Pjesë e deklaratës
Borrel: Mendoj se nuk është vendi që unë të komentoj procedurat ligjore të brendshme, se jam plotësisht i bindur që këto çështje i përkasin vendit dhe shtetit shqiptar.
Rama: Po, por kanë nevojë t’ua thoni ju… (Dëgjohen të qeshura në sallë)
Borrell: Mendoj se zgjedhjet do të mbahen sipas standardeve ndërkombëtare.
