Një lajm i mirë vjen nga Bashkia Tiranë për të gjithë ata studentë të papunë.
Ditën e sotme në ambientet e Muzeut Kombëtar është çeluar edicioni i 10 i “Work & Study”, i organizuar nga Bashkia e Tiranës, Dhoma e Tregtisë dhe Industrisë Tiranë si dhe Ministria e Arsimit dhe Sporteve.
Këto institucione kanë mbledhur së bashku 65 kompani të cilat janë të gatshme që të ofrojnë vende pune për të rinjtë, të cilët kanë një mesatare të lartë. Vet Bashkia e Tiranës ka 3500 vende pune të lira, të cilat janë të dispozicion të atyre që janë duke kërkuar një punë. Mirëpo jo vetëm për ata që janë duke kërkuar punë, por mundësi e mirë është edhe për ata që janë duke kërkuar praktikë.
“Përveç vendeve të punës kemi disa oferta shumë të mira për praktikë. Bashkia e Tiranës në vetvete ka 90 pozicione pune, përfshin bashkinë, përfshin disa drejtori dhe agjenci apo kompani bashkiake siç mund të jenë parkingjet, ujësjellësi për ata që janë inxhinierë hidro. Ndërkohë për herë të parë kemi futur konceptin e praktikave me pagesë. Ne nuk besojmë te skllavëria. Ka kompani apo zyra të ndryshme që patjetër e aplikojnë praktikën si një mënyrë për të pasuruar CV. Te Bashkia e Tiranës nuk duam që të pasuroni vetëm CV, duam që të vini dhe disa para në xhep, qoftë edhe lekë xhepi siç thuhet. Kështu që të gjitha praktikat në Bashkinë e Tiranës janë edhe me një pagë minimale. Është një mënyrë se si siguroni disa të ardhura, por fundja fundit edhe se si keni në CV tuaj punën e parë mbi të cilën pastaj mund të ndërtoni karrierë për punë të tjera”, tha ai
