Të shtëna me armë zjarri kanë ndodhur mëngjesin e sotëm në drejtim të një lokali në Kamëz. Sipas policisë në bulevardin “Donald Trump”, janë thyer (dyshohet me armë zjarri) xhamat e lokalit në pronësi të shtetasit N. M. Në momentin kur ka ndodhur ngjarja, lokali ka qenë i mbyllur. Grupi hetimor po punon për sqarimin e rrethanave të ngjarjes, identifikimin dhe kapjen e autorit.
Njoftimi i policisë:
Më datë 11.03.2023, rreth orës 05:10, në Kamëz, në bulevardin “Donald Trump”, janë thyer (dyshohet me armë zjarri) xhamat e lokalit në pronësi të shtetasit N. M.. Lokali në ato momente ka qenë i mbyllur. Grupi hetimor po punon për sqarimin e rrethanave të ngjarjes, identifikimin dhe kapjen e autorit.
Dalin të tjera detaje për lokalin. Lokali është në pronësi të Astrit Lami i cili ia ka dhënë me qira tek një person tjetër dhe nuk rezulton me precedent penal. Paraprakisht po hetohet tek ndonjë konflikt i mundshëm i pronarit ose qiraxhiut. Ata kanë deklaruar se nuk kanë konflikte.
Si pistë tjetër ku po hetohet është dyshimi i fortë se autorët mund të kenë ngatërruar objektiv. Fatmirësisht nga të shtënat nuk pati persona të lënduar, por vetëm dëme materiale. Ngjarja ka ndodhur në orët e para të mëngjesit të kësaj të shtune në bulevardin “Donald Trump”.
