Ditën e sotme në orën 12:00 do të zhvillohet protesta e paralajmëruar nga opozita në vend. Ndërkohë që Ambasada Amerikane me anë të një njoftimi zyrtar iu bën thirrje qytetarëve të saj që të kenë kujdes dhe të shmangin grumbullimet e mëdha.
Ndër të tjera në njoftimin e Ambasadës Amerikane theksohet se edhe pse pritet që protesta të zhvillohet në mënyrë paqësore, situatat mund të ndryshojnë shpejt duke sjellë dinamika të paparashikueshme. Ambasada Amerikane rendit disa veprime që duhet të kenë parasish qytetarët e saj në Shqipëri ditën e sotme .
“Është planifikuar të zhvillohet një protestë para godinës së Kryeministrisë. Kjo protestë ka potencialin të përhapet në rrugët përreth duke shkaktuar bllokime të trafikut, devijime dhe mbyllje të rrugëve. Protestat mund të çojnë në dhunë të mundshme.
Qytetarët amerikanë këshillohen të shmangin tubimet e mëdha. Ndërsa shumë ngjarje të mëdha zhvillohen në mënyrë paqësore, situatat mund të ndryshojnë shpejt dhe në mënyrë të paparashikueshme. Monitoroni mediat lokale dhe ndiqni udhëzimet e autoriteteve lokale të zbatimit të ligjit për informacionin më të fundit.
Veprimet për të ndërmarrë:
Qytetarëve të SHBA-ve u kërkohet të shmangin këtë ngjarje
Monitoroni mediat lokale
Jini të vetëdijshëm për rrethinën tuaj
Mbani një profil të ulët”, thuhet në njoftimin e Ambasadës Amerikane.
