Turqia dhe Siria nuk po gjejnë qetësinga lëkundjet e tokës. Mbrëmjen e sotme një tërmet me magnitudë 6.4 ballë ka goditur Hataj, ndërsa lëkundjet e forta janë ndjerë edhe në zonat përreth. Sipas mediave vendase, ka pasur të tjera shembje banesazh, të cilat kanë qenë dëmtuar më parë, ndërsa nuk dihet nëse ka të plagosur dhe viktima. Por siç evidentohet nga pamjet, qytetarët të cilët nuk kanë kaluar ende pasojat e tërmeteve të mëparshme, janë frikësuar dhe i kanë përjetuar keq lëkundjet e sotme.
Njerëzit kanë vrapuar në rrugë dhe oborre duke u larguar nga banesat, e të tjerë janë munduar të qetësojnë të afërmit. Autoritetet kanë nxjerrë ekipe patrullimi në terren për të parë nëse ka pasur pasoja në njerëz dhe kanë bërë thirrje që qytetarët të qëndrojnë larg objekteve. Kujtojmë se lëkundjet vijojnë prej dy javësh, ndërkohë që tërmeti i mbrëmjes së sotme ishte më i forti pas atyre 7.7 dhe 7.9 të së hënës së 6 shkurtit. Nga videot e postuara në Tëitter shihen njerëzit të frikësuar që vrapojnë rrugëve po edhe banesa që shemben, kryesisht ato të dëmtuarat nga tërmeti i rënë disa ditë më parë.
Një gazetare e tronditur e CNN turk u përlot në një transmetim të drejtpërdrejtë teksa tregonte se çfarë po ndodhte.
https://streamable.com/uqhadb
https://streamable.com/uqhadb
https://streamable.com/b08616
