Ishte kthyer në tmerrin e makinave, arrestohet autori i disa vjedhjeve në Durrës. Pas shumë denoncimeve nga qytetarët të cilët kishin rënë pre e grabitjeve, është bërë e mundur indentifikimi dhe vënia në pranga të autorit të tyre, shtetasit G. Ll., 38 vjeç, banues në Durrës.
Durrës
Kreu vjedhje në mënyrë të përsëritur, në automjete të ndryshme, si dhe vodhi dhe një biçikletë, identifikohet dhe arrestohet 38-vjeçari.
Specialistët për Hetimin e Krimeve të Komisariatit të Policisë Durrës, si rezultat i administrimit të menjëhershëm të denoncimeve të qytetarëve, për disa raste vjedhjesh, kanë bërë të mundur identifikimin dhe vënien në pranga të autorit të tyre, shtetasit G. Ll., 38 vjeç, banues në Durrës.
Ky shtetas u kap në flagrancë, pasi kishte thyer xhamin e një automjeti, për të marrë sendet personale që ndodheshin në të.
Nga veprimet hetimore rezultoi se shtetasi G. Ll. është autor edhe i 2 vjedhjeve të tjera të sendeve personale, në automjetet e shtetasve të ndryshëm dhe i vjedhjes së një biçiklete, vjedhje këto të kryera gjatë periudhës janar-shkurt 2023.
Vijon puna për zbardhjen dhe dokumentimin e vjedhjeve të tjera që mund të jetë kryer nga ky shtetas.
Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
#angazhimpërkushtimsakrificë👮️🚔
#tëvendosurkundërkrimit✅
#nëçdoskajtëvendit🇦🇱
#nëshërbimtëqytetarëve👮️🤝🙍️
