Një natë më parë në Greqi ka ndodhur një sherr i përgjakshëm, ku 3 shqiptarë janë përplasur me një 22-vjeçar.
Ndërkohë që sot mediat greke kanë bërë publike pamjet, ku duket se papritur njëri prej tyre ka nxjerrë një thikë dhe ka plagosur 22-vjeçarin, i cili ka rënë në tokë i përgjakur. Tre autorët hipën në një makinë dhe u larguan, ndërsa i plagosuri i ka ndjekur me automjetin e tij, mirëpo në kryqëzimin e rrugëve Artemisos dhe Salaminos ka humbur kontrollin e mjetit dhe është përplasur me një farmaci.
Theksojmë se ngjarja ndodhi rreth orësh 4 të mëngjesit të së shtunës. I riu është sulmuar me thikë nga një 33-vjeçar shqiptar në një lokal në plazhin e Artemidës. Autori pasi e ka goditur viktimën me thikë në bark, hypi në një taksi të drejtuar nga një shqiptar dhe zhduken në drejtim të Rafinës.
I plagosuri futet në makinën e tij për të shkuar në spital. Mirëpo, në Avenue Artemis, ai përballet me taksinë me autorët shqiptarë. I riu i gjakosur i ndjek ata, por në përpjekje për t’iu afruar taksisë, përplaset në farmacinë në kryqëzimin e rrugës Artemis dhe rrugës Salaminos.
Në video-dokumentin e siguruar nga protothema.gr, sedilja të cilën e ngiste i lënduari, duket se ka devijuar kursin e saj dhe përplaset me shpejtësi të madhe në xhamin e farmacisë.
Në pamjet filmike evidentohet qartazi përplasja, ndërsa në një video tjetër të paraqitur nga protothema.gr shihen ekipet duke marrë viktimën dhe duke e çuar të gjakosur në ambulancë. Policia po vijon kërkimet për gjetjen e shqiptarëve.
https://youtu.be/dvdZ3vWQOhc
