Teksa ndodhemi 2 ditë para protestës së paralajmëruar nga Partia Demokratike, një njoftim i rëndësishëm i depozitohet Policisë së Tiranës.
Partia Demokratike me anë të njoftimit I bën të ditur Policisë së Tiranës se Në se protesta në Bulevardin Dëshmorët e Kombit pritet të nisë në orën 12:00.
Sipas njoftimit të selisë blu, në shesh pritet të jenë nga 80 mijë-100 mijë persona. Aty thuhet se personat që do të flasin do të jenë drejtues të PD dhe përfaqësues të Shoqërisë Civile. Po ashtu, specifikohet se do të jenë rreth 200 persona staf në mbarëvajtjen e protestës.
“Bazuar në ligjin 8773 datë 24.04.2021 “Për Tubimet”, Partia Demokratike e Shqipërisë do të organizojë në datë 11.02.2023, një tubim protestë në Tiranë për të kërkuar dorëheqjen e Kryeministrit të Shqipërisë pasi ka vënë në rrezik pluralizmin, votën e lirë dhe demokracinë. Tubimi do të mbahet në bulevardin Dëshmorët e Kombit, duke filluar nga ora 12:00; Pjesëmarrja do të variojë 80 mijë deri në 100 mijë protestues. Protestuesit do të grumbullohen në selinë e Partisë Demokratike, sheshin Nënë Tereza dhe sheshin Skënderbej dhe do të lëvizin në drejtim të Bulevardit Dëshmorët e Kombit”.
Lënda: Njoftim për mbajtje proteste,
Drejtuar:
Z. TONIN VOCAJ
DREJTUES I PARË, DREJTORIA VENDORE E POLICISË, TIRANË
I nderuar z. Vocaj,
Bazuar në ligjin 8773 datë 24.04.2021 “Për Tubimet”, Partia Demokratike e Shqipërisë do të organizojë në datë 11.02.2023, një tubim protestë në Tiranë për të kërkuar dorëheqjen e Kryeministrit të Shqipërisë pasi ka vënë në rrezik pluralizmin, votën e lirë dhe demokracinë. Tubimi do të mbahet në bulevardin Dëshmorët e Kombit, duke filluar nga ora 12:00;
Pjesëmarrja do të variojë 80 mijë deri në 100 mijë protestues. Protestuesit do të grumbullohen në selinë e Partisë Demokratike, sheshin Nënë Tereza dhe sheshin Skënderbej dhe do të lëvizin në drejtim të Bulevardit Dëshmorët e Kombit,
⚫ Foltorja do të vendoset në Bulevard përballë Kryeministrisë. Personat që do të flasin në protestë do të jenë drejtues të Partisë Demokratike dhe përfaqësues të Shoqërisë Civile.
- Grupi i personave ndihmës për mbarëvajtjen e tubimit do të jenë rreth 200 persona me moshë mbi 18 vjeç, të pajisur me shenjat dalluese, shirit i bardhe me mbishkrimin PMT. Person përgjegjës do të jetë z Ervin Minarolli, Sekretar Organizativ i Partisë Demokratike të Shqipërisë, cel 0672030212, adresa Selia e PDSH Bulevardi “Zhan D’Ark”, Nr. 11, Tirane. Sa më sipër, njoftimi i aktivitetit për dijeninë tuaj në kuadër të mbarëvajtjes së tubimit.
Duke ju falenderuar paraprakisht.
SEKRETARI ORGANIZATIV
Ervin Minarolli
