Ditën e sotme deputetët e PD bllokuan foltoren e Kuvendit, ku u kërkua ndryshimini rendit të ditës në mënyrë që mocioni me debat për çështjen McGonigal të zhvillohej pa limit kohor dhe të flisnin të gjithë deputetët. Por teksa situata ishte shumë e tensionuar, deputetja e Partisë së Lirisë u duk e distancuar dhe pasive. Ndërkohë që i pyetur nga gazetarët se përse ishte pasive në seancë, ajo tha se ishte vëzhguese teksa vijoi akuzat ndaj kryeministrit Edi Rama.
Gjithashtu Kryemadhi tha se sado të përpiqet të shmanget, kryeministri Rama do të përballet para drejtësisë.
Sipas deputetes së Partisë së Lirisë, tashmë topi është në derën e SPAK-ut, i cili duhet të marrë masat e duhura për hetimin rigoroz të personave që janë të implikuar në afera korruptive.
“Sot nuk isha pasive, isha vëzhguese. S’mbaj mend kur është deleguar ndonjë interpelancë, po ne jemi mësuar kur ai delegon firmën, ai as projektin e Durrësit se ka firmosur vetë. Qesharake është se mazhoranca edhe nëse dikur kishin ndopak tru, sot i ka humbur fare. Rama s’i shpëton dot gransupirës, do i vijnë marshallët e prokurorët do e çojnë para drejtësisë. Tashmë topi është në derën e SPAK” u shpreh Monika Kryemadhi, deputete e Partisë së Lirisë.
