Teksa u paraqit paraditen e sotme në SPAK, ish-ministri i Financave Shëklqim Cani është shprehur për mediat se nuk mund ta bëjë publike çështjen për të cilën ka dëshmuar.
Sipas tij nuk mund të jap detaje mbi atë që dëshmoi pasi kjo do të cënonte sekretin hetimor. Por Cani theksoi se nuk u pyet në SPAK për aferën e inceneratorëve, duke e përjashtuar si opsion mbi të cilin mund të aludohej.
Vlen të theksojmë se Shkëlqim Cani mund të jetë transparent me publikun, pra me të vërtetë nuk ka dëshmuar për mega aferën e inceneratorëve, por në fakt ai mund të jetë njeriu i duhur, që mund të hapë “Kutinë e Pandorës” në lidhje më këtë çështje.
Kujtojmë që kryeministri Rama e shkarkoi Canin nga posti si Ministër i Financave, teksa nuk u dha asnjë shpjegim për vendimin dhe motivet që e shtynë kreun e qeverisë për këtë lëvizje. Shkëlqim Cani u shkarkua për t’u zëvendësuar nga “bisha” e aferave korruptive, Arben Ahmetaj, i cili jo pak herë është vendosur në qendër të vëmendjes për çështje “bombë”.
A jeni thirrur nga SPAK për inceneratrorët dhe pse keni dalë kundër në atë kohë?
Cani: E bëjmë radhë ta mbyll njëherë këtë që është sekret hetimor, pastaj flasim për këtë.
A ju kanë thirrur për çështjen inceneratorëve…
Cani: Jo. Shkresa ka dalë, është publikuar. Nënshkruaj të gjitha letrat… Nuk ka rëndësi që çfarë them unë, kur është e shkruar. Se çfarë kam shkruajtur, e lexuat shumë mirë. Me gojë s’kam ça përsëris. Pyesni SPAK kur ka ndërmend të më thërrasë dhe a do më thërrasë. Në jetën time kam kaluar kaq shumë, sa që nuk më suprizon asgjë. Jam i gatshëm që të paraqitem për të treguar të vërtetën dhe vetëm të vërtetën. Pres drejtësi. ligj, drejtësi rregull.
Gati një vit më parë, Cani dëshmoi në Komisionin Hetimor Parlamentar të ngritur për inceneratorët. Ai tha se kishte refuzuar procedurat e ndjekura për ndërtimin e inceneratorëve të Elbasanit dhe Fierit, pasi kishin mospërputhje me ligjin.
“Ministria e Financave e sheh më tepër në këndvështrimin e kapaciteteve financiare. Ministria e Financave kërkon që paratë e shpenzuara, të kthehen mbrapsht. Ne jemi të interesuar para se të japin para, a janë në gjendje ta kryejnë apo jo aktivitetin që kanë marrë përsipër. Për inceneratorin e Elbasanit, arsyeja e parë që e kemi refuzuar është se kemi thënë që në relacionin shoqërues nuk jepet argumenti financiar. U themi që nuk janë bazuar në ligjin për koncesionet dhe PPP-të. Ky projektvendim në dijeninë time nuk është miratuar. E treta është, cila është firma që kërkon, statusi juridik dhe kapacitetet financiare të saj? Edhe për Fierin, ishin dokumentet e paplotësuara, ne kërkonim plotësimin e dokumenteve”, deklaroi Cani.
Ndërkohë që ish-kryeparlamentarja Jozefina Topalli më herët ka deklaruar se ish-ministri Shkëlqim Cani u shkarkua nga kryeministri Rama se nuk pranoi koncesionin e TVSH-së, që propozohej nga Arben Ahmetaj. / Përgatiti: Gazeta Reforma
