Paraditen e sotme, ish-ministri Shkëlqim Cani është thirrur në SPAK .
Ndërkohë që pas dëshmisë në Prokurorinë e Posaçme, Cani është pyetur nga gazetarët.
Por i gjendur përballë pyetjeve ai u shpreh se në gjykimin e tij nuk duhet të japë detaje në lidhje me çështjen për të cilën dëshmoi. Kjo për shkak se ai e konsideron atë ai një sekret hetimor. Ndër të tjera Shkëlqim Cani shtoi se ai është i vetëdijshëm për çfarë ka firmosur ndërkohë që ka ushtruar detyrën.
Vlen të theksohet se dyshohet që ish-ministri i Financave Shkëlqim Cani është thirrur në Prokurorinë e Posaçme si deklarues për një kallëzim për privatizimin e një furre buke në kryeqytet.
Shkelqim Cani: E bëjmë me radhë dhe flasim për këtë që është sekret hetimor dhe kur të doni do të vij për atë. Do më thërrasin.
Kjo shkresë ka dalë është publikuar. Nuk e di pozicionin e Ahmetajt, pyesni kryeministrin. E di shumë mirë se çfarë kam firmosur. Nuk ka rëndësi çfarë them unë, aty është e shkruar. Se çfarë kam shkruar ju e dini mirë, s’kam pse ta përsëris.
Pyetje: Do të thirreni para apo pas Ahmetajt në SPAK?
Shkelqim Cani: Pyesni SPAK se kur do të më thërrasë, apo nëse do të më thërrasë. Nuk surprizohem nga asgjë, me aq sa kam kaluar në jetë,. nuk kam surprioza. Pres drejtësi, ligj, rregull.
