Ditën e sotme është shtyrë sërish seanca gjqësore për Ervin Salianjin, s ii përfshirë në çështjen “Babale”. Gjyqi ishte caktuar të zhvillohej në ditën e tij të lindjes, këtë të hënë në orën 13:30, por në një njoftim zyrtar u bë me dije se për shkak se një nga anëtarët e trupit gjykues nuk do të jetë prezent, seanca nuk do të zhvillohet.
“Sot më datë 16.01.2023 ora 13:30, është planifikuar seanca gjyqësore e çështjes penale ndaj të pandehurit Ervin Salianji. Ju komunikojmë se dhe sot për arsye objektive një nga anetarët e trupit gjykues nuk do të jetë i pranishëm.
Ne kushtet e mësipërme, seanca gjyqësore nuk do të mund të zhvillohet. Dita dhe ora e seancës së ardhshme do të komunikohet sapo të caktohet”, thuhet në njoftimin e Gjykatës.
Kujtojmë që me një vendim fajësie që i rëndon prej 2019 dhe nuk ka marrë formë të prere, Ervin Salianji nisi përballjen me prokurorinë e Apelit që insiston se ai kreu kallëzim të rremë në dosjen “Babale” së bashku me Fredi Alizotin, Albert Veliun dhe gazetarin Jetmir Olldashi. Audio-përgjimi i publikuar në maj të vitit 2018 nga Partia Demokratike, në të cilin aludohej se vëllai i Ministrit të Brendshëm bisedonte me Albert Veliun dhe dakordësohej për trafik droge, u cilësua nga prokuroria si i sajuar. Geron Xhafaj, para së të dorëzohej në Itali për të vuajtur një dënim më të hershëm për trafik droge, kallëzoi akuzuesit se kishin sajuar përgjimin.
