Një ngjarje tragjike ka tronditur Nepalin këtë të diel. Një aeroplan me 72 njerëz në të, është rrëzuar afër një aeroporti në qendër të Nepalit, duke lënë të vdekur të paktën 40 persona, kanë thënë zyrtarët. 44 trupa janë gjetur deri më tani ndërsa shumë viktima ende nuk dihet se ku ndodhen.
Aeroplani i kompanisë Yeti Airlines, që është nisur nga Katmanduja për në qytezën turistike Pokhara, është rrëzuar në ulje e sipër, duke u përfshirë nga flakët.
Në aeroplan kanë qenë 68 pasagjerë, përfshirë 15 me shtetësi të huaj dhe katër pjesëtarë të bordit.
Mjeti fluturues është përfshirë nga flakët momente përpara se të ulej në pistë, më pas është përmbysur dhe rrëzuar vetëm 1.5 kilometra larg aeroportit. Për shkak të lartësisë dhe natyrës së aksidentit dyshohet se nuk ka asnjë të mbijetuar. Autoritetet vendase kanë aktivizuar të gjitha forcat emergjente të shtetit për të ndihmuar në operacionet e kërkim shpëtimit.
Pamjet tragjike të publikuara në rrjetet sociale tregojnë aeroplanin e shkatërruar dhe një mori ushtarësh në vendngjarje
“Pritet të identifikojmë më shumë trupa”, ka thënë një zëdhënës i ushtrisë për agjencinë e lajmeve, Reuters, duke shtuar se aeroplani “është ndarë copa-copa”.
Aksidentet me aeroplanë nuk janë të pazakonshme në Nepal, dhe zakonisht ndryshimet e motit mund të vështirësojnë kushtet e udhëtimit.
Në maj të vitit 2022, patën vdekur 22 persona, si pasojë e rrëzimit të një aeroplani në rajonin nepalez, Mustang.
Arbi Veliaj në SPAK: Erdha vetë, të sqaroj pozicionin tim (Ashtu si Lali Euro erdhi të “bashkëpunojë” me kolegët)
Arbi Veliaj, vëllai i kryebashkiakut të arrestuar të Tiranës, u paraqit sot në SPAK. Zyrtarisht ai merret në pyetje vetëm...
