Në Prokurorinë e Përgjithshme ditën e sotme janë dorëzuar dosjet e dy kandidatëve për postin e Prokurorit të Përgjithshëm.
Sipas burimeve të “top-channel” deri më tani zyrtarisht janë vetëm 3 kandidatë që garojnë për postin e Kryeprokurorit, i pari u regjistrua Olsian Çela, ndërkohë që këtë të premte prokurorja e Apelit Tiranë, Fatjona Memçaj, si edhe avokati Lulzim Alushaj kanë depozituar në Këshillin e Lartë të Prokurorisë kërkesën për të qenë pjesë e garës për Kryeprokurorin e vendit.
Ndërkohë theksohet se dhe Arta Marku, Prokurore e Përgjithshme e Përkohshme që prej dimrit të vitit 2017, të dorëzojë gjithashtu kandidaturën, duke dalë hapur me ambicien e saj për ta mbajtur karrigen e numrit një të akuzës.
