Jemi vetëm disa ditë larg Pashkëve Ortodokse dhe fluksi i emigrantëve që kthehen në vend është duke u kthyer në të papërballueshëm.
Në vetëm 24 orët e fundit në vendin tonë kanë hyrë plotë 6632 persona vetëm në doganën e Kapshticës.
Mirëpo nuk mbetet pas edhe numri i përsonave që kanë zgjedhur të udhëtojnë drejt Greqisë ku kanë qenë 3004 qytetarë që janë larguar nga vendi për të festuar në vendin fqinj.
Fatmirësisht deri më tani situata në dogana paraqitet e qetë dhe nuk mësohet të ketë radhë apo vonesa.
Pala shqiptare punon me 5 sportele në hyrje dhe 2 në dalje, ndërsa dogana greke me dy sportele në dalje.
