Hetimet për zbardhjen e supergrabitjes së Rinasit të ndodhur më 9 prill po vijojnë. Këtë pasdite forca të shumta policie kanë mësyrë drejt Krujës.
Kujtomë se disa nga të arrestuarit jetojnë në qytetin e Krujës. Theksohet se policia po bën kontrolle në banesat e Oltion Veselit e Elton Piklit, dy prej të dyshuarve si pjesë e grabitësve të ndodhur në aeroportin e Rinasit më 9 Prill.
Elton Pikli, 32 vjeç nga Kruja është arrestuar teksa tentonte të largohej drejt Bullgarisë. Ai u konsiderua si i pesti i grupit. Sipas policisë nuk figuron i skeduar apo me rekorde kriminale. Pikli ka punuar si kasap në Krujë.
Ndërsa Oltion Veseli, i vënë në pranga, si bashkëpunëtor i supergrabitjes në Rinas, është personi i veshur komando që gjendet në pistën e aeroportit pranë avionit të linjës Tiranë-Vienë në momentin e grabitjes më 9 prill.
