Ditën e sotme Kreu i PD Sali Berisha ka pritur në zyrë kreun e Partisë së Lirisë Ilir Metën.
Ndërkohe disa orë më vonë, kreu i PD-së Sali Berisha ka shkruar në Facebook se gjatë takimit me kryetarin e PL-së Ilir Meta u diskutua për mbrojtjen e interesave të shqiptarëve nga regjimi i Ramës.
Në një njoftim të shkurtër për mediat, Berisha thotë se u diskutua gjerësisht për koordinimin e përpjekjeve tona të përbashkëta për mbrojtjen e interesave të qytetarëve shqiptarë
Berisha thekson se bashkëpunimi elektoral dhe parlamentar ishin çështjet më të diskutuara.
Ndryshe nga takimet e tjera, kësaj radhe Meta nuk preferuar që të mbajë një deklaratë për mediat, por në një prononcim për gazetarët, i pyetur nëse do të marrë pjesë në protestën e 6 dhjetorit, u përgjigj: “Gjithmonë në protestë kemi qenë”.
Njoftim shtypi
Sot, së bashku me sekretarin e përgjithshëm të PD z. Flamur Noka, zhvilluam një takim me kryetarin e Partisë së Lirisë, ish Presidentin Ilir Meta dhe kryetarin e grupit parlamentar të kësaj partie, Dr. Petrit Vasili.
Në këtë takim u diskutua gjerësisht për koordinimin e përpjekjeve tona të përbashkëta për mbrojtjen e interesave të qytetarëve shqiptarë nga regjimi i Edi Ramës. Bashkëpunimi elektoral, parlamentar dhe në të gjitha fushat ishin çështje për të cilat u diskutua me frymë të plotë mirëkuptimi.
