Janë gjetur trupat e pajetë të 2 personave që u rrëmbyen nga rrjedha e lumit në Malësinë e Madhe. Babë e bir po udëhtonin me një automjet dhe janë rrëmbyer nga rrjedha e përroit të Bogës. Në automjet ndodhej edhe vajza e familjes por fatmirësisht ajo ka arritur të shpëtojë falë dhe ndihmës së një banori të zonës. Reshjet e shumta të shiut kanë shkaktuar problematika të mëdha në të gjithë vendin ku shumë shtëpi janë përmbytur, rrugët janë bllokuar, pasi lumenj dhe përrenj kanë dalë nga shtrati. Problematika të mëdha ka pasur në qarkun Shkodër, por edhe në jug të vendit gjendja është jo e mirë.
NJOFTIMI I POLICISE
Në vijim të informacion të dhënë mesditën e djeshme se në vendin e quajtur “Grykë Lugje”, në njësinë administrative Shkrel, Malësi e Madhe, rrjedha e ujit të përroit kishte marrë përpara një automjet me të cilin udhëtonin tre persona, banorë të zonës. (babai, djali dhe vajza), ju bëjmë me dije se:
Pas 16 orë kërkimesh intensive, gjatë pasdites së djeshme, gjatë natës dhe gjatë mëngjesit të sotëm, nga polumbarët e RENEA-s, grupi i evakuim-shpëtimit, grupi alpin i FNSH Shkodër, emergjencat civile dhe shërbimet e Komisariatit të Policisë Malësi e Madhe, në gjatësinë e përroit, në Bogë, u bë e mundur gjetja e dy trupave (babë e bir).
