Anisa Kostani, policja nga Elbasani që kryesisht njihet për faktin që gjarpërinjtë janë “miqtë” e saj të ngushtë, para një muaji është rikthyer në detyrë.
Kostani ka bërë disa dalje televizive që kanë shokuar një pjesë të mirë të njerëzve teksa mbante gjarprin në qafë.
Kujtojmë se shkarkimi i saj u bë me bujë të madhe, pas deklaratave fyese dhe kërcënuese ndaj gazetarëve të kronikës së zezë. Ndërkohë që komisarja ka marrë kohë për të zhvilluar “Ask me a question” në rrjetin social “Instagram” ku i ka kthyer përgjigje ndjekësve të saj.
Ndër të tjera e pyetur se sa i do gazetarët në një nivel nga 1 deri tek 10, Kostani përgjigjet: Aq sa më duan dhe ato mua.
Ndërkohë që e pyetur për makinat luksoze me të cilat ajo poston foto, Kostani përgjigjet me doza ironie duke thënë se ia mundëson aksesin një kushëriri i saj që punon në lavazh.
“Se ia bëj vetes qejfin kot, por një kushëriri im punon në lavazh dhe i kam thënë që kur të vjen ndonjë makinë e mirë më bëj tel”, shkruan policja Kostani.
Nga ana tjetër një komentuese evidenton se Kostani është shumë e papjekur në përgjigjet që jep.
Kostani i përgjigjet ndërkohë: Kur ta kuptosh ironinë dhe talljen mbase edhe do ta dëgjoj ndonjë fjalë. Por deri atëherë do e përdor këshillën tënde ku të mbarohet letra e tualetit.
Sjellim në vëmendje deklaratën fyese të mënkomisares ndaj gazetarëve. Policja akuzoi ata që shkruajnë keq për Policinë e Elbasanit se e kanë marrë provimin prej “profesorëve Don Zhuanë”. /Përgatiti: Gazeta Reforma
