Gjatë seancës plenare këtë të enjte Deputeti i Partisë Demokratike, Belind Këlliçi, në fjalën e tij nga foltorja e Kuvendit i kërkoi qeverisë që në këtë kohë krize të kthejë sytë nga qytetarët. Ditën e sotme si në seancën e djeshme temë diskutimi është projektbuxheti i vitit 2023. Salianj u shpreh se qeveria ka zbrazur vendin me qëllim që të mbushin xhepat e tyre, ndërsa theksoi se situata ekonomike është e rëndë, dhe rritja e çmimeve i ka bërë qytetarët të mos mund të përballojnë jetesën.
Sipas tij është nevojë imediate që qeveria të ndërhyjë në uljen e çmimeve duke filluaar që nga ushqimet e më tej tek apartamentet për të cilat u shpreh se një çift i ri nuk arrin dot që të blejë një apartament.
“Miratimi i projekt-buxhetit duhet të ishte hapi i fundi. Dua të di pse anashkalohet grupet e interesit. Problemet po i shtohen vendit dita ditës, në fakt dhe seanca është formale, i keni gati kartonat, a jeni deputetë apo vetëm numra?!
Kjo shfaqje e djeshme e bariut tuaj, me ofendime, ka një motiv që të heqë vëmendjen. Keni zbrazur vendin për të mbushur xhepat tuaj.
Ka ardhur koha që kjo qeveri për herë të parë ta ketë vëmendjen tek qytetarët”, u shpreh ai mes të tjerash.
