Ngjarja tragjike e ndodhur ditën e djeshme ku 25-vjeçarja humbi jetën vetëm një orë pas lindjes ka ngjallur reagime të shumta, ndërkohë që policia ka ndërmarrë masat e saj.
Ditën e sotme është lajmëruar se në Spitalin e Elbasanit janë pezulluar operacionet dhe kjo për shkak të një proteste që mjekët kanë organizuar në mbrojtje të dy kolegëve të tyre të arrestuar.
Rexhina Debrova ndërroi jetë pas lindjes së fëmijës së saj të parë dhe familjarët kanë akuzuar mjekët për neglizhencë, ndërsa polcia ka arrestuar tashmë mjekun kardiolog Mehmet Ibraj dhe atë reanimator, Nikollaq Thano.
Mjekët thanë se e reja ka pësuar arrest kardiak dhe nga marrja në pyetje është mësuar nga mjekët e spitalit se, 25-vjeçares i janë bërë ekzaminimet para lindjes, por jo vizita e zemrës. Edhe pse më vonë mjekët kanë dhënë alarmin, mjeku kardiolog ka mbërritur me vonesë në spital, gjë që ka bërë që e reja të humb jetën.
