Mbrëmjen e kësaj të diele janë rikthyer radhët e gjata pa mbarim në pikën e kalimit kufitar të Kapshticës. Bëhet e ditur se rradha ka arritur deri në afërsi të fshatit Kapashticë dhe një situatë e tillë kishte vite pa u krijuar në doganen që lidh Shqipëinë dhe Greqinë. Shtetasit shqiptarë por jo vetëm, janë në pritje për të kaluar në anën tjetër të kufirit.
Për shkak të një feste, autoritetet greke kanë punuar me numër të reduktuar sportelesh, raporton Vizion Plus. Përfaqësues të pikës së kalimit kufitar të Kapshticës kanë pasur 2 takim me homologet grekë ku është kërkuar shtim i sporteleve për të normalizuar situatën.
Ndërkohë lidhur me këtë ngjarje ka reaguar sekretari i Përgjithshëm i PL-së Tedi Blushi. Përmes një postimi në Facebook, Blushi ka postuar foto nga Kapshtica ku shkruan se qytetarët janë braktisur nga shteti dhe prej orësh janë bllokuar me makinat e tyre. Ai i bën thirrje Ministrisë së Jashtme që të kontaktojë me palën greke për zgjidhjen e situatës.
Postimi i plotë:
Qytetarët e braktisur nga Qeveria prej orësh qëndrojnë të bllokuar në pikën kufitare të Kapshticës!
Ministria për Europën dhe Punët e Jashtme të vendosë sa më parë kontaktet me palën greke për të lehtësuar dhe garantuar lëvizjen e lirë!
Nevojitet një zgjidhje e menjëhershme për të gjithë shqiptarët që po torturohen në pritje!
