Ditën e sotme tre persona janë arrestuar pasi kishin përshtatur lokalin për të shitur drogë.
Teksa ishinë kërkuar sepse krijuan kushtet që lokalin ta përdornin për shpërndarje droge, në vitin 2019, janë lokalizuar dhe kapur nga autoritetet, ku në pranga kanë përfunduar pronari i lokalit dhe 2 shtetas të tjerë.
Konkretisht u finalizua operacioni policor i koduar ‘Next’, në kuadër të të cilit u vunë në pranga shtetasit A. E., 28 vjeç, L. K., 35 vjeç dhe B. Ç., 63 vjeç, të tre banues në Durrës. Ndërkohë në njoftimin e saj zyrtar Policia bën me dije se “Në vijim të punës policore për kapjen dhe nxjerrjen para përgjegjësisë ligjore të shtetasve të kërkuar për vepra të ndryshme penale dhe mbështetur nga inteligjenca informative mbi vendndodhjet e tyre, u finalizua operacioni policor i koduar ‘Next’, në kuadër të të cilit u vunë në pranga shtetasit A. E., 28 vjeç, L. K., 35 vjeç dhe B. Ç., 63 vjeç, të tre banues në Durrës.
Gjykata e Rrethit Gjyqësor Durrës ka caktuar ndaj këtyre 3 shtetasve, masën e sigurisë ‘Arrest në burg’, për veprat penale ‘Përshtatja e lokalit për përdorim droge’ dhe ‘Prodhimi dhe shitja e narkotikëve’, pasi në bashkëpunim me njëri-tjetrin, në vitin 2019, përshtatën lokalin e shtetasit të vënë në pranga B. Ç., për përdorim dhe shpërndarje të lëndëve narkotike. Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme
