Liderë t botërorë kanë uruar Giorgia Meloni-n për marrjen e postit si kryemistre e Italisë. Urimet e para kanë ardhur nga Presidentja e Komisionit Europian Ursula von der Leyen dhe Presidenti i Këshillit Evropian, Charles Michel, nëpërmjet rrjetit social Twitter.
“Urime për Giorgia Meloni për emërimin si kryeministre e Italisë , gruaja e parë që mban këtë post. Pres bashkëpunim konstruktiv me qeverinë e re për sfidat me të cilat përballemi së bashku”, shkruan presidentja e Komisionit Europian Von der Leyen.
Presidenti i Këshillit Europian Charls Michel në mesazhin e tij urues, e fton Giorgia Meloni që të punojnë së bashku për të mirën e Italisë dhe BE-së.
Presidenti i SHBA-ve Joe Biden gjithashtu ka përshendetur kryeministren italiane Meloni. “Italia ë shtë një aleat jetik i NATO-s dhe një partner afërt, teksa kombet tona ndajnë së bashku sfidat e përbashkëta globale. Si liderat e G7-ës, unë pres që të vazhdojmë të rritim mbështetjen për Ukrainën, të bëjmë që Rusia të mbajë përgjegjë si për agresionin e saj, të sigurojmë respektimin e të drejtave të njeriut dhe vlerave demokratike dhe të krijojmë një rritje të qëndrueshme ekonomike”- u shpreh Biden.
Edhe Presidenti i Ukrainës Volodimir Zelensky përcolli urimin e tij për Melonin me anë të një statusi në Twitter. “Jam optimist se do të vazhdojmë bashkëpunimin e frytshëm për të siguruar paqen dhe prosperitetin në Ukrainë, Itali dhe Botë”, ka thënë Zelensky.
Giorgia Meloni, liderja e djathtë, fituese e zgjedhjeve në Itali u zyrtarizua si kryeministrja e parë italiane këtë të shtunë. Meloni u betua nga presidenti italian Sergio Mattarella në një ceremoni në Pallatin Quirinale në Romë.
“Nën Qyteti”/ Ekspozita që shndërron Pogradecin në një galeri të hapur kujtese dhe arti
Një ekspozitë që tejkalon format tradicionale dhe shndërrohet në një rrëfim emocional për qytetin, historinë dhe kujtesën kolektive të tij....
