Ditën e sotme, ishte parashikuar të mbahej seanca në Gjykatën e Elbasanit në ngarkim të ish-ministrit Saimir Tahiri.
Por bëhet me dije se seanca është shtyrë për shkak se avokatit mbrojtës të Tahirit, Maks Haxhisë i ka humbur jetën babai. Përmes avokatit të tij, Maks Haxhia, ish-ministri i kërkon gjykatës që të njohë kohën kur ka qenë në shërbim prove. Nëse kjo kërkesë pranohet, Saimir Tahirit do t’i ulet 1 vit e 6 muaj burg.
Vlen të theksojmë se Gjykata e Elbasani ka nën juridiksion burgun e Lushnjës, ku Tahiri po vuan dënimin me tre vite e katër muaj burg.
Kujtojmë që Tahiri prej 8 muajsh po vuan dënimin në burgun e Kosovës në Lushnjë pasi u gjet fajtor për akuzën shpërdorimit të detyrës. Në një tjetër përballje me drejtësinë ish ministri i Brendshëm Saimir Tahiri vijon betejën për pafajësi në gjykatën e Lartë.
Ndërkohë në gjithë përballjen e tij me drejtësinë shqiptarë ka këmbëngulur në pafajësinë e tij. Ish-ministri u akuzua për shpërdorim detyre, në kohën që ka drejtuar dikasterin e Ministrisë së Brendshme.
“Jam moralisht i qetë. Nuk kam shkelur ligjin, kam bërë detyrën si më mirë çmunda”, është shprehur ish-ministri I Brendshëm Tahirhi pasi dhënies së vendimit me 3 vite e 4 muaj burg nga gjykata.
