Me datën 6 tetor ish-deputeti Alqi Bllako është liruar nga burgu duke marrë masën “arrest shtëpie”. Ndërkohë që SPAK ka ankimuar vendimin e marrë nga Gjykata e Posaçme kundër Korrupsionit dhe Krimit të Organizuar, për lirimin nga qelia të ish deputetit socialist, Alqi Bllako me arsyetimin se kishte 3 fëmijë të mitur për të cilët duhet të kujdesej.
SPAK ka kundërshtuar argumentin e dhënë nga GJKKO për fëmijët e Bllakos. Ky i fundit u lirua dy ditë më parë nga qelia ku mbahej i arrestuar si i përfshirë në aferën e inceneratorit të Fierit, raporton “Fax Neës”.
Lirimi i Alqi Bllakos solli reagime të shumta nga ana e opozitës. Kryetari i partisë së Lirisë, Ilir Meta, tha se lirimi i ish deputetit ishte bërë pasi ky i fundit kishte kërcënuar kryeministrin Edi Rama se do të fliste mbi çështjen e inceneratorëve.
Kujtojmë që Bllako është akuzuar për aferën e inceneratorëve. Referuar dosjes, Prokuroria e Posaçme kërkoi arrestimin e deputetit të Partisë Socialiste Alqi Bllako me dyshimin se ka marrë në formë rryshfeti 150 milionë lekë për ndërtimin e inceneratorit të Fierit. Sipas hetimeve këtë shumë parash, deputetit socialist e ka marrë nga kompania “Integrated Technology Ëaste Treatment Fier” sh.p.k. duke paguar fiktivishit babain e tij Edmond Bllako, që rezulton i punësuar në Inceneratorin e Tiranës. SPAK akuzoi gjithashtu Bllakon se ka falsifikuar dokumentat për inceneratorin e Fierit në kohën kur mbante detyrën e sekretarit të përgjithshëm në Ministrinë e Mjedisit, në bashkëpunim me ish-ministrin, Lefter Koka dhe kryetarin e komisionit të shpronësimeve Pëllumb Abeshi .
Ata kanë ndryshuar destinacionin e sipërfaqes së tokës ku u ndërtua inceneratori nga tokë arë në tokë truall duke i shkaktuar një dëm ekonomik buzhetit të shtetit prej 16 288.344 (gjashtëmbëdhjetë milion e dyqind e tetëdhjetë e tetë mijë e treqind e dyzet e katër) lekë.
