Ditën e sotme qeveria ka miratuar në mbledhjen e sotme të këshillit të ministrave një projekt akt për marrjen e masave të veçanta për kursimin e energjisë elektrike.
Zëvendëskryeministrja dhe njëkohësisht ministrja e Energjisë dhe Infrastrukturës, Belinda Balluku ka njoftuar pas mbledhjes së qeverisë se institucionet shtetërore, duhet të konsumojnë 15% të energjisë në krahasim me faturat e një viti më parë.
“Sot në mbledhje e Këshillit të Ministrave bëmë disa ndryshime mbi projekt aktin normativ për kohëzgjatjen e masave të emergjencës në furnizimin me energji elektrike. Ka të bëjë me masat që do të merren sa i përket instucioneve shtetërore. Duhet të bëhemi shembulli i parë sa i rëndësishëm është kursimi i energjisë këto momenet. Kemi vendosur kërkesë që institucionet shtetërore duhet të konsumojnë 15% të energjisë të konsumuar në krahasim me një vit më parë, një pagesë e barazvlefshme me 3.4 miliardë lekë”, u shpreh Balluku.
Gjithashtu Balluku ka folur ditën e sotme edhe për fashën 800 800 kWh, e cila zyrtarisht është botuar në fletoren zyrtare.
Duke folur për këtë botim, Ministrja e Energjitikës, Belinda Balluku u shpreh se është në dorë të qeverisë nëse e aplikon apo jo çmimin e rritur të energjisë për fashën 800 KW. Sipas Ministres për të gjithë muajin tetor nuk do të ketë rritje çmimi për familjet që kalojnë 800kW në muaj.
“Duam ta sqarojmë por është pak komplekse. Fasha 800 kilovator, ERE shprehet për miratimin e çmimit. Ne i kemi bërë kërkesën ERE-s, dhe ERE ka thënë se çmimi miratohet ky është detyra e ERE. Por kur qeveria shikon se qytetarët reflektojnë por edhe për kushtet e motit përmirësohen. Nuk e aplikojmë fashën gjatë muajit tetor. ERE ka marrë vendimin e kësaj fashe. Por qeveria po mbron biznesin e vogël dhe familjet” u shpreh Balluku.
