Mbrëmjen e së dielës në autostradën Durrës-Tiranë është rrëmbyer dhe dhunuar Indrit Beqiraj, teksa po udhëtonte më motor me të vëlllanë.
Ndërkohë që Policia e Durrësit ka shpallur në kërkim dy shtetas për pengmarrjen e vëllezërve Indrit dhe Gentian Beqiraj në autostradën Durrës-Tiranë.
Bëhet me dije se një prej personave të shpallur në kërkim është shtetasi Agron Bejdolli.
Bejdolli kishte një lidhje të ngushtë me Aleksander Lahos alias Pëllumb Muharremi, i njohur ndryshe si ‘Rrumi”. Bejdolli drejtonte makinën e “Rrumit” ditën e atentatit ndaj makinës së prokurorit Arjan Ndoj. Sakaq, vëllezërit refuzojnë të japin shpjegime.
Bejdolli është personi që shoqëroi “Rrumin” dhe Ndojin në spital pas atentatit. Pista kryesore ku po heton policia është heqja e paligjshme e lirisë dhe dyshohet se këta persona mund të kenë pasur konflikt më parë.
Vlen të sjellim në vëmendje se atentati ndaj Aleksander Lahos alias Pëllumb Muharremit i njohur si Rrumi, person me të cilin kishte një lidhje të ngushtë Agron Bejdolli, i shpallur në kërkim sot nga policia e Durrësit për rrëmbimin ndaj dy vëllezërve Beqiraj, ka ndodhur në 2019 në fshatin Koxhas të Shijakut.
Lidhur mbi ngjarjen e rëndë, 8 muaj pasi ajo ndodhi, grupi hetimor mori në pyetje ‘Rrumin’, i cili mbeti i plagosur rëndë në atentatin e ndodhur më 1 nëntor 2019, pranë mbikalimit të Shkozetit.
