Para një javë, Autoriteti Kombëtar i Ushqimit bëri thirrje për të mos i konsumuar produktet “Wudy’ pasi i kanë rezultuar me bakterin e rrezikshëm “Listeria”.
Ndërkohë ka reaguar drejtoresha e AKU-së, Jeta Deda, e cila ka qetësuar qytetarët në lidhje me me produktet e markës “Wudy” , duke thënë se tashmë ka një kontroll të shtuar për të garantuar sigurinë ushqimore.
Deda ka këshilluar qytetarët të përdorin produktet, që janë me etiketë në gjuhën shqipe. Gjithashtu, drejtoresha e AKU-së, iu bën thirrjet qytetarëve që të konsumojnë produktet që shiten në etiketën e gjuhës shqipe.
‘Prania e një etikete në gjuhën shqipe që ka të shënuar datën e prodhimit dhe të skadencës tregon se ka kaluar në duart e konsumatorëve. Çdo produkt që nuk e ka etiketën në gjuhën shqipe ai produkte nuk ka kaluar në duart e AKU-së. Etiketat tregojnë se produkti është i certifikuar. Konsumoni produkte që shiten në etiketën me gjuhën shqipe’, tha Deda.
Kujtojmë që ishte vetë AKU ajo që dha alarmin për situatën me “Wudy-t”.
“Referuar njoftimit të ardhur nga sistemi RASSF (Sistemi i Njoftimit të Shpejtë për Ushqimin dhe Ushqimin për Kafshë) pas analizave laboratorike të kryera në Itali është konstatuar prani e Listeria monocytogenes STI55 duke përbërë risk me ndikim serioz për shëndetin e njeriut, në produktin Wudy me numra lotesh dhe data skadencash si më poshtë: Autoriteti Kombëtar i Ushqimit menjëherë pas njoftimit të ardhur nga RASFF po ndërmerr të gjitha masat nëpërmjet kontrolleve zyrtare në operatorët e biznesit ushqimor për identifikimin, bllokimin dhe tërheqjen e produktit nga tregu. Kujdes konsumatorë! Mos i konsumoni këto produkte, kthejini pranë subjekteve ku i keni blerë”, deklaroi më herët AKU.
Vrau gruan me çekiç dhe e mbajti të fshehur në dollap për një javë, burgim i përjetshëm për shqiptarin në Greqi
Gjykata e Athinës ka dënuar me burgim të përjetshëm shqiptarin Kastriot Cenko, i shpallur fajtor për vrasjen e bashkëshortes së...
