Një ngjarje e rëndë ka ndodhur në Elbasan ditën e sotme. Bëhet me dije se polumbarët e Reneas kanë nxjerrë nga lumi Shkumbin trupin e pajetë të një 69-vjeçari. Mësohet se viktima është shtetasi me inicialet T.T, banues në Elbaan.
Ai ishte larguar nga banesa që prej ditës së djeshme, më datë 25.09.2022. Ndërkohë që grupi hetimor po punon për dokumentimin e plotë të rrethanave të ngjarjes.
“Elbasan/ Informacion paraprak
Në lumin Shkumbin, në fshatin Mjekës, Elbasan nga polumbarët e Renea-s, është gjetur i mbytur shtetasi T.T., 69 vjeç, banues në Elbasan.
Ky shtetas ishte larguar nga banesa e tij më datë 25.09.2022. Grupi hetimor po punon për dokumentimin e plotë të rrethanave të ngjarjes”, thuhet në njoftimin e Policisë së Shtetit.
Kujtojmë që në pranverën e këtij viti Sevasian Laska, 10-vjeç është mbytur në lumin Fan, teksa po luante me shokët dhe vëllanë, “ka marrë dhenë”. Drejtori, mësuesi, nxënësit e shkollës, por veçanërisht të klasës janë në shok dhe e kishin të vështirë ta besojnë se bashkëmoshatari i tyre nuk ka shkuar sot në shkollë si zakonisht. Për të dinë që e ka marrë rrjedha e lumit, por që trupi nuk i është gjendur ende, teksa kërkimet po vijojnë.
Ngjarja mund të kishte marrë edhe përmasa më tragjike, pasi në ndihmë të 10-vjeçarit për ta shpëtuar ishte futur edhe i vëllai, por kur nuk ia kishte dalë mbanë që ta shpëtonte është kthyer në shtëpi ku ka njoftuar familjarët për lajmin e trishtë.
