India po përballet me një fatkeqësi natyrore, ku pasojat janë shumë të rënda dhe numri i viktimave është alarmant.
Moti i keq dhe rrufetë kanë vrarë 36 persona brenda një dite në shtetin verior të Indisë Uttar Pradesh, thanë autoritetet. Bëhet me dije se të paktën 24 prej tyre humbën jetën kur shtëpitë e tyre u shembën nga reshjet e vazhdueshme.
Ndërkohë që në incidente të tjera, 12 persona humbën jetën nga rrufeja, përfshirë një djalë 15-vjeçar, i cili sapo ishte ngjitur në çatinë e një shtëpie. Vetëm në pesë ditët e fundit, numri i të vdekurve nga rrufeja ka arritur në 39.
Përmendim se rrufeja është një dukuri e zakonshme në Indi gjatë sezonit të musonit, i cili zgjat nga qershori deri në shtator. Shkencëtarët indianë, raporton Associated Press, madje pretendojnë se ndryshimet klimatike kanë rritur numrin e goditjeve të rrufesë, shumë prej të cilave janë vdekjeprurëse. Duhet theksuar se vitin e kaluar pati 34% më shumë vdekje nga rrufeja sesa në vitin 2016, nga 1,489 në 2,869 vitin e kaluar.
Është i dhimbshëm fakti që shtetasit e Indisë përballen me këto fatkeqësi natyrore shumë të rënda, që shkaktojnë shifra alarmante viktimash, teksa dihet se çdo vit kjo dukuri është e pashmangshme në vendin e tyre.
Nuk dihet nëse autoritetet kanë marrë ndodnjë masë për t’iu ardhur në ndihmë familjeve të viktimave.
