Interpol Tirana ka dërguar drejt Shteteve të Bashkuara të Amerikës dy persona të cilët ishin në kërkim ndërkombëtar.
Bëhet fjalë për një amerikan dhe për një shqiptar të lindur në Shtetet e Bashkuara.
V.D dhe A.I të dy 30 vjeçar akuzohen për prodhim dhe shitje të lëndëve narkotike dhe janë vënë në pranga që në shtator të vitit 2018.
Në një operacion të ogranizuar nga Policia e Shtetit dhe Shërbimi Diplomatik i Sigurisë në ambasadën amerikane në Tiranë, është bërë e mundur arrestimi i dy 30-vjeçarëve dhe tashmë ditën e sotme edhe ekstradimi i tyre drejt SHBA-ve.
Ka qenë gjykata amerikane e Connecticut në Shtetet e Bashkuara të Amerikës, ajo që ka vendosur masën arrest me burg për të dy shtetasit amerikan dhe ka kërkuar ekstradimin e tyre, në mënyrë që të vuajnë dënimin në një nga burgjet amerikane.
