Kreu i Partisë së Lirisë Ilir Meta përmes një reagimi në rrjetin social Facebook është shprehur se mbështet propozimin e Konfindustrisë Shqiptare për rritjen e fashës së konsumit të energjisë elektrike, mbi të cilin do të zbatohet pagesa me çmimet e tregut ndërkombëtar për familjarët.
Meta thekson se në kushtetet e tanishme është e nevojshme që të mbështeten familjet shqiptare dhe paratë e taksapaguesve në vend se t’ju kthehen këtyre të fundit përfundojnë për inceneratorët dhe tenderat sekretë. Kujtojmë se qeveria vendosi fashën 800 kË për abonentët familjarë dhe kush harxhon më shumë se aq do ta paguajë kilovatin më shtrenjt.
MESAZHI I METES
Mbështes plotësisht propozimin e Konfindustrisë Shqiptare për rritjen e fashës së konsumit të energjisë elektrike, mbi të cilin do të zbatohet pagesa me çmimet e tregut ndërkombëtar për familjarët.
Propozimi për vendosjen e kësaj fashe nga 800Kë në 1200Kë në muaj është plotësisht i drejtë, pasi me fashën e vendosur nga Qeveria preken financiarisht dhe në mënyrë të konsiderueshme rreth 90.000 deri në 130.000 familje shqiptare, kryesisht ato të shtresës së mesme.
Në kushtet e rritjes të çmimeve të naftës, produkteve të shportës dhe çdo shërbimi, është e pavend të rëndohen edhe më tej buxhetet familjare.
Është koha për të mbështetur familjet shqiptare dhe jo për t’i zhvatur ato, me para që përfundojnë për inceneratorët, koncensionet dhe tenderat sekretë.
