Ditën e sotme nënkryetari i PD, Luçiano Boçi ka reaguar lidhur me incidentin e ndodhur mbrëmjen e djeshme ku dy shtetas rusë dhe një ukrainas kanë sulmuar rojet e uzinës së armëve në Gramsh.
Boçi tha se përgjegjësia në këtë rast ishte e Ramës pasi kryeministri kishte hapur çdo pikë hyrëse për shtetasit rusë, pavarësisht se vetë Zelensky i kërkoi që rusët të mos lejoheshin në territorin shqiptar.
Reagimi i Plotë nga Boçi:
Sali Berisha kërkoi anulimin e vizave për rusët
Kur në sallën e Parlamentit shqiptar foli në një lidhje me skype, Presidenti ukrainas, Volodymyr Zelensky kishte vetëm një kërkesë për Edi Ramën: Refuzimin që shtetasit rus të hynin në territorin shqiptar!
Në dalje të asaj seance të jashtëzakonshme, Sali Berisha i kërkoi në emër të PD, qeverisë shqiptare dhe Edi Ramës të mos lejonte turistët rusë të hynin në Shqipëri, në kushtet kur lufta me Ukrainën vazhdon.
Edi Rama e refuzoi kërkesën, duke hapur çdo pikë hyrëse për shtetasit rusë.
Institucionet që kanë për detyrë të garantojnë sigurinë kombëtare në vend, kur gjatë kësaj vere kanë hyrë në Shqiperi mijëra shtetas rusë, janë në alert të plotë!
E kujt është përgjegjëdia në këtë rast
Rama është rrezik për Shqipërinë!
