Ditën e sotme kanë qarkulluar disa lajme se vajzat e kreut të Partisë Demokratike janë duke vazhduar shkollimin e tyre në Holandë, por kjo është kundërshtuar kategorikisht nga Basha.
Sipas tij, vajzat nuk janë jetuar asnjëherë jashtë vendit, ato shkollohen dhe jetojnë në shqipëri dhe ky ka qenë vetëm një aludim i kundërshtarëve politik për median dhe asgjë më shumë.
Gjithashtu Basha ka bërë akuza edhe ndaj disa mediave për të cilat thotë se kanë mision të pasurojnë pronarët e tyre, duke përhapur gënjeshtra të tilla.
“Fëmijët e mi jetojnë këtu dhe turp për ata gazetarë që, sa herë që karaktere të pështira si Erjon Veliaj apo dikush tjetër në studio u thonë se Basha ka familjen në Hollandë, njerëz që e dinë fare mirë se vajzat e mia janë këtu, jetojnë dhe shkojnë në shkollë këtu, këtyre u ka ngelur vetëm gënjeshtra. Edhe genjeshtrën ua thyen studentët, ua shkatërroi lëvizja studentore.
Por këtyre s’u ka mbetur asgjë tjetër përveç gënjeshtrës dhe, natyrisht, media që i shërbejnë gënjeshtrës, të cilat, për turpin e tyre, nuk janë thjesht media sot, por kanë mision vetëm të pasurojnë pronarët e tyre. Janë pjesë e problemit dhe duhet të japin llogari para publikut, njësoj si oligarkët dhe kriminelët.
Këta kanë zgjedhur të sakrifikojnë interesin publik, për të pasuruar veten e tyre, për të pasuruar miqtë e tyre, në kurriz të shqiptarëve”, ka thënë Basha.
